ஒ.ஆர்.ஒ.பி. அரியர் வழங்க வங்கிகளுக்கு ஏன் இந்த தாமதம் ?

ஒ.ஆர்.ஒ.பி. அரியர்  வழங்க வங்கிகளுக்கு ஏன் இந்த தாமதம் ?

ஒரு இராணுவ பென்சனருக்கு ஒ.ஆர்.ஒ.பி. அரியர் வழங்க வங்கிகள் தாமதப்படுத்துவர்க்கு தகுந்த காரணம் இல்லை. பல லட்சக்கணக்கான இராணுவ பென்சனர்களின் கனவை நினைவாக்கும் இந்த ஆணையின் பயன், வங்கிகள் பணமாக பட்டுவாடா செய்வதில்தான் இருக்கிறது.

வங்கிகள் இப்படி தாமதப்படுத்துவதில் நியாயம் இல்லை.

இந்த ஒ.ஆர்.ஒ.பி. அரியர் வழங்க தேவையானவை

ஒரு பென்சனருடைய ரேங்க்

எத்தனை ஆண்டு சர்வீஸ்

அவருடைய குரூப்.

பிறந்த தேதி

தற்போது வழங்கப்படும் அடிப்படை பென்சன்.

இவை மட்டும்தான் தேவை.

சுமார் முப்பது ஆண்டுகளுக்கு மேல் ராணுவ பென்சன் பட்டுவாடா செய்யும் வங்கிகளுக்கு அந்த பென்சனரை பற்றி மேற்கூறிய தகவல்கள் இல்லாமலா இத்தனை ஆண்டுகள் பென்சன் கொடுக்கிறார்கள்?

இத்தனை ஆண்டு தணிக்கையாளர்கள் என்ன செய்தார்கள் ?

CDA சர்குலர் வெளிவந்து ஒரு மாதம் ஆகப்போகிறது. வங்கிகள் மௌனமாக இருக்கிறது. என்ன காரணம் ?

இது விஷயத்தில் வங்கிகளுக்கு உதவ பல தன்னார்வ

முன்னாள்இராணுவத்தினர்கள் உள்ளனர். இவர்கள் உதவியை நாட வங்கிகளுக்கு ஏன் தயக்கம் ?

தற்போது பொதுவாக, எல்லா வங்கிகளும் அதிக பணி சுமையை வெளி ஆட்களிடம் ஒப்பந்த அடிப்படையில் செய்வதே வழக்கமாகிவிட்டது.  இந்த பணியையும்  ஏன் செய்யக்கூடாது ?

தாமதமாக வழங்கப்படும் அரியர் தொகைக்கு ரிசர்வ் வங்கி நிர்ணயித்த வட்டியை வழங்குமா ?

இப்படி பல கேள்விகளுக்கு வங்கிகளிடம் பதில் இல்லை.

நாட்டைகாத்த வீரர்களின் நலன் காப்பது அரசின் கடமை.  ஆணை வெளியிட்டால் மட்டும் போதாது.  வங்கிகளுக்கு கடுமையான நிபந்தனைகள் விதித்து அனைவருக்கும் உடனே அரியர் வழங்க ஆவன செய்யவேண்டும்.

இதுவே எமது தற்போதைய கோரிக்கை.

பல ஆயிரக்கணக்கான வயதான பென்சனர்கள் இந்த அரியர் தொகையை ஒவ்வொரு நாளும் எதிபார்த்து இருக்கின்றனர்.

வங்கிகள் அவர்களை ஏமாற்றிவிடக்கூடாது.

வங்கிகள் விரும்பினால் இரண்டே நாளில் ஒரு மென்பொருள் உருவாக்கி வங்கிகளுக்கு கொடுத்து உதவ  பலர் தயாராக உள்ளனர்.

வங்கிகள் சிந்திக்க வேண்டும்.

நம்மை பாதுகாக்க எல்லையில் கண் கொட்டாமல் காவல் புரியும் ராணுவ வீரனை எண்ணிப்பாருங்கள்.

அவன் மனம் உடைந்து திரும்பி வந்தால் என்ன ஆகும் ?

எங்களை மறந்தால் உங்களுக்கு பாதுகாப்பு இல்லை